لاہور۔ 3 اگست (اے پی پی) پاکستان فرنیچر کونسل (پی ایف سی) نا چیف ایگزیکٹو میاں کاشف اشفاق اومیت ظاہر کرینے کہ تحریک انصاف نا بروک آ حکومت پاکستان ءِ خود انحصاری نا کسر آ دننگ کن غٹ دوئی وسیلہ غاتے کاریم اٹ اتیک انتئے کہ مسکوہی حکومت آتا غلط معاشی پالیسی تا سوب مون تروک اقتصادی ویل آتا ایسری و معاشی تعمیر نو کن پاکستان ءِ واپار نا گرج ءِ امداد نا آخا۔ تدوک آ دے داڑے پی ایف سی نابورڈ آف ڈائریکٹرز نا دیوان نا کماشی ءِ کرسا اوپارے کہ پاکستان ءِ امداد ہلنگ نا جاگہ غا یورپی ملک وامریکہ تون پر جوش کاروباری تعلقداری تے بایدے مون آ دروئی مرے و اگہ دا چرجوئی ٹی گام گیج ہرفنگے تو دا ملک آتے مروک آ برآمد آتے گونڈ ءُ وخت اسے ٹی دوگنا کننگ مریک ۔
