مکہ مکرمہ۔ 3 اگست (اے پی پی) سعودی عرب اٹی تعینات پاکستانی سفیر خان ہشام بن صدیق پاکستانی حاجی تے کن حج مشن نا بست و بند آتا جاچ ءِ ہلنگ کن مکہ مکرمہ نا دورہ ءِ کرے ۔ داوخت آ قونصل جنرل شہریار اکبر خان وڈائریکٹر جنرل حج ساجد یوسفانی ئسک ہم اوڑتون اوار ئسر ۔ڈائریکٹر حج امتیاز شاہ حج بست و بند آتا بارواٹ سفیر ءِ معلومدار کرے ۔ اوپارے کہ داوخت اسکان 76ہزار پاکستانی حاجی سعودی عرب آ سرمسنو ہرافتیان 51ہزار سرکاری حج اسکیم و25ہزار نجی حج اسکیم نا رداٹ ہنانو ۔ حاجی تا غاو تیا دمدستی عملدرآمد کن اسہ گچین ءُ غاو ہینڈلنگ میکنزم اس ہم ساڑی ارے۔
