تحریک انصاف قومی اسمبلی نا باسک سردار ذوالفقار علی خان دلہہ ناچوہدری برادران تون اوڑدہی

اسلام آباد ۔ 2 اگست (اے پی پی) پاکستان تحریک انصاف نا قومی اسمبلی نا باسک سردار ذوالفقار علی خان دلہہ پنچ شنبے نادے چوہدری برادران تون اوڑدہی کرے و چوہدری پرویز الہٰی ءِ حلقہ این اے 65 چکوال II آن قومی اسمبلی نا باسک گچین مننگ آ اوفتے مبارکبادی تس وخت اس کہ چوہدری پرویز الہٰی، چوہدری شجاعت حسین و مونس الہٰی ہرا داوخت آ ساڑی ئسر ، ہم سردار ذوالفقار علی خان دلہہ ءِ ایم این اے گچین مننگ آ مبارکبادی تسر ۔ چوہدری پرویز الہٰی داوخت آ ہیت وگپ کرسا پارے کہ انشاء اللہ نن پاکستان تحریک انصاف تون اواری اٹ مچ آ ملک و پنجاب نا الس نا خذمت ءِ کینہ ۔ چوہدری پرویز الہٰی پارے کہ پنجاب و ضلع چکوال نا پبی خذمت ءِ کرینن ۔