اسلام آباد۔ 2 اگست (اے پی پی) ترجمان دفتر خارجہ ڈاکٹر محمد فیصل داہیت ءِ پک کرینے کہ اسہ ہم درملکی لیڈراس عمران خان نا سوغند برداری ٹی شرکت کپک ، پوسکن گچین مروک آ وزیر اعظم نا دود ءِ سادگی اٹ اڈ تننگک ۔ بھارتی وزیر اعظم نریندر مودی نا عمران خان ءِ مبارک بادی کن ٹیلی فون خوش آئند ءِ ، تعلقداری تا گچینی کن جامع مذاکرات نا کنڈآپیش رفت و سارک ملک آتا نیام اٹ رابطہ غاتے سوگو کننگ نا گرج ءِ ، پاکستان سارک سروک کانفرنس نا میزبانی کن تیار ءِ ۔اِرا گچین مروک حکومت آتا مد پورو مننگ آن پد پاکستان اٹی جمہوری سوگوی نا سفر سرسہبی اٹ برجاءِ ،دولت مشترکہ و یورپین یونین ناجہانی مبصرآک گچین کاری تیا است جمی نا درشانی ءِ کرینو ۔پنچ شنبے نادے ہفتہ وار پریس بریفنگ اٹی خیال آتا درشانی ءِ کرسا ترجمان دفتر خارجہ پارے کہ جہانی مبصرآک 2008 ء آن پاکستان اٹی گچین کاری تا جاچ ءِ ہلنگ ءُ ۔
