اسلام آباد۔ یکم اگست (اے پی پی) سیکرٹری خارجہ تہمینہ جنجوعہ پارینے کہ سی پیک نئے بیرہ اِراملک آتا بلکن غٹ ڈیہہ و اوفتا شونداری نا ڈٹ اسے ، سی پیک ءِ نمان سرسہبی و کراس بارڈر پبی سیاسی مخ تفی ملانے ، نن دا ڈٹ ءِ اولیت ترساکینہ ۔ چینی میڈیا نا پنچ باسکی نمائندہ ڈل اتون ہیت وگپ کرسا سیکرٹری خارجہ پارے کہ اسہ اہم ءُ ہیت اس بایدے نن یات تخن او داکہ پاکستان اٹی ہرکس کہ برسراقتدار مرے ، اسہ اہم ءُ ڈٹ اسے نا حیثیت اٹ سی پیک ءِ برجاتخنگ نا صفا عزم کروئی مریک ۔ داڈٹ پاکستانی الس کن شونہالی نا ڈٹ اسے ۔ چارشنبے نادے چینی سرکاری ویب سائٹ نارداٹ چینی وفد سیکرٹری خارجہ تون دفتر خارجہ ٹی اوڑدہی کریر ۔ تہمینہ جنجوعہ پارے کہ داسہ تحریک انصاف قومی اسمبلی ٹی بھلا سیاسی جماعت نا وڑاٹ مون آ بسنے و زوت پوسکن آ حکومت نا ءِ ٹہیفنگک ۔ اوپارے کہ سی پیک نا اہمیت نا بابت پاکستان نا غٹ سیاسی جماعت و الس اٹ امنائی خننگک ہرا ہڑتوم آ ملک آتے کن اسہ وڑ فائدہ تروک ءِ ۔ وزارت خارجہ امور ناڈائریکٹر جنرل (چائنا) عائشہ علی ہم داوخت آ ساڑی ئسک ۔ دورہ نا بست وبند ءِ وزارت خارجہ امور وپاکستان اٹی چینی سفارتخانہ نا اواری اٹ انسٹی ٹیوٹ آف سٹرٹیجک سٹڈیز کریسس۔ دورہ چینی میڈیا ڈل ءِ پاکستان ناتاریخ، دودوربیدگ ، سیل و سوات، شونداری ڈٹ آتا بارواٹ معلومداری و پاکستانی میڈیا ادارہ، تھنک ٹینکس اتون رابطہ غاتے مون آ دننگ نا موقع فراوان کرے۔
