عوامی مسلم لیگ ناسروک شیخ رشید احمد نا سپریم کورٹ نا پیشن میڈیا تون ہیت وگپ

اسلام آباد۔ یکم اگست (اے پی پی) عوامی مسلم لیگ نا سروک شیخ رشید حلقہ این اے 60 اٹی گچین کاری تا التواء نا برخلاف تروک آ تینا درخواست ءِ پدی ہلک ۔ داوخت آ سپریم کورٹ نا پیشن میڈیا تون ہیت وگپ کرسا اوپارے کہ قوم بدلی خواہک و عمران خان اسہ ہندن ءُ شخصیت اسے ہرا دا بدلی ءِ اتنگ کیک ، قوم عمران خان ءِ وڈی خوری نا برخلاف اسہ عظیم ءُ مینڈیٹ اس تسنے ، ہرا خلقت دھاندلی کن اوغنگ ءُ اوفتا عادت ہی اوغنگ ءِ ، اوفتامقدر اٹ داسہ اوغنگ لکھنگانے ، اینوپاکستان نا کرنسی نا قدر گچین مننگ ءِ ، اسٹاک ایکسچینج ناکاروبار اٹی گچینی بسنے و خیسن نا نرخ کم مسنے ۔اوپارے کہ ننا و عمران خان ناروزگار نا اسہ کروڑ وارخواہی فراوان کننگ نا وعدہ اسہ بھلو ٹارگٹ اسے ۔