اسلام آباد ۔ یکم اگست (اے پی پی) چین نا جوڑ جاڑی ہیوی مشینری تیار کروک آSANY گروپ پاکستان اٹی تینا زریاری ءِ ودفنگ نا ڈٹ جوڑ کرینے ہرانا سوب چین پاکستان اقتصادی راہداری (سی پیک) نارداٹ چلینگوک آ ڈٹ آتیٹی جوڑ جاڑی سرجزآتے مون آ دننگ اٹ کمک رسینگک ۔ SANY گروپ ناصدر ژیانگ وین بو تدوک آ نن داڑے SANY گروپ نا کنڈآن اڈ ہلوک آ سیمینار آن تران کرسا پارے کہ نن ملک اٹی تینا زرکاری ءِ ودفنگ نا خوائش مند اُن ۔ اوپارے کہ نن سی پیک نارداٹ چلینگوک آ ڈٹ آتے کن جوان خذمت و بڑزکو آب انا مصنوعات فراوان کینہ ۔ اوپارے کہ SANY چین نا غٹ آن بھلا ہیوی مشینری تیار کروک آ کمپنی ءِ ہرا ونڈ ٹربائنز، کنکریٹ مشینری، ہائیڈرالک ایکسیویٹرز، ہوئسٹنگ مشینری، پلنگ مشینری، روڈ مشینری، مائننگ مشینری وپٹرولیم ڈرلنگ مشینری تیار کیک۔ اوپارے کہ گروپ ناامریکہ ویورپ تون اوار 13 مینوفیکچرنگ کمپنیک مچ آ دنیا ٹی ساڑی ءُ ہرافتے ٹی 5 لکھ یونٹ ہنداسال تیار کننگانے ۔ داکان بیدس ایگزیکٹو ڈائریکٹر سی پیک وزارت منصوبہ بندی شاہد راشد پارے کہ سی پیک آ کاریم معمول نا رداٹ برجاءِ و داوخت اسکان توانائی نا15ڈٹ پورو مسنو ۔ اوپارے کہ سی پیک نارداٹ توانائی نا15 ڈٹ 14000 میگا واٹ بجلی ودی کیرہ وخت اس کہ کم و ود 55 ہزار روزگار نا وارخواہی داڈٹ آتا کمک اٹ ودی مسنے ۔
