اسلام آباد ۔ یکم اگست (اے پی پی) الیکشن کمیشن پارینے کہ سرسہب اومیت دارآتے کن گچین کاری خڑچ آتا گوشوارہ جمع کرفنگ المی ءِ اوکان پد اوفتا سرسہبی نا نوٹیفکیشن ءِ جاری کننگک ۔ داکان جاری الیکشن کمیشن لس گچین کاری 2018ء ٹی سرسہب مروک آ غٹ باسک آتے پارت کرینے کہ زوت آن زوت تینا گچین کاری خڑچ آتا گوشوارہ ءِ ریٹرننگ آفیسر تون جمع کرفر تانکہ اوفتا سرسہبی نا نوٹیفکیشن جاری مننگ کے ۔ یات سلے کہ گچین کاری تا گوشوارہ جمع کرفنگ کن الیکشن کمیشن غٹ سرسہب اومیت دار آتے 4 اگست اسکان نا وخت تسنے ولے داوخت اسکان اسہ سرسہب اومیت دار اس ہم تینا گچین کاری خڑچ آتا سرجم آتے الیکشن کمیشن ءِ جمع کرفتنے۔
