اسلام آباد۔ 31جولائی (اے پی پی) پاکستان تحریک انصاف ناچیئرمین عمران خان مادرِ ملت فاطمہ جناح نا125 می یوم ولادت ناوخت آاودے خراج عقیدت پیش کرسا پارینے کہ مادر ملت نا تحریک پاکستان اٹی لازوال کڑدمینارہ نور جوڑ مس ، اوبرصغیر نامسلم زالبول کن گچین ءُ نمونہ اس ئس ۔ سے شنبے نادے پی ٹی آئی نا بنجائی میڈیا ڈیپارٹمنٹ آن جاری بیان نارداٹ عمران خان پارے کہ راست بازی، اصول آتون مابت و نصب العین تون لگاؤمادرِ ملت نا شخصیت نا بنداوی تمبہ ئس ۔ پاک و ہند اٹی زالبول ءِ سیاست نا پڑاٹ تحریک ترفنگ اٹ اوبھلو کڑد اس ادا کرے ۔عمران خان پارے کہ قیام پاکستان آن پد جمہوریت نابقاء و سلامتی نا ملک گیر تحریک اٹی ہم مادر ملت صف اول نا سپاہی جوڑ مس ۔ اوپارے کہ رب العزت آن مادر ملت نادرجہ غاتابڑزی کن دعاگواُن ۔
