اسلام آباد ۔ 30جولائی (اے پی پی) پاکستان ءِ تہ اسلامی جمہوریہ ایران ءِ سفیر مہدی ہنر دوستءَ انوگیں لس گچینکاری ءِ تہ سوبمندی ءِ سرا چیئرمین پی ٹی آئی عمران خان ءَ مرادباتی داتگ۔ پاکستان تحریک انصاف ءِ بنجاہی میڈیا ڈائریکٹوریٹ ءَ چہ جاڑی بیان ءِ ردا چیئرمین پی ٹی آئی ءِ نام ءَ وتی کلہو ءَ ایران ءِ سفیر ءَ گوشت کہ پاکستان ءِ راج ءَ گچینکاری ءِ تہ مزنیں کچ ءَ شریداری کنان ءَ جمہوری پاوا ءَ را مھکم کتگ ءُُ ملک ءِ دیمروئی ءُُ وشھالی ءِ ھاترا وتی نماھندگ ءِ گچینی ءِ حق کارمرز کتگ۔ ایرانی سفیر ءَ گوشت کہ ایشی ءِ ملک پاکستان ءِ تہ نوکیں حکومت ءِ گوما دراھیں تک ءَ سیادی ءِ پراھی دیئگ ءَ پہ تیار انت۔ ایرانی سفیر ءَ وتی کلہہ ءَ چیئرمین پی ٹی آئی ،تحریک انصاف ءُُ پاکستانی راج ءِ فلاح ءُُ دیمروئی ءِ ھاترا نیکیں واھشتانی درشان کتگ۔
