پاک فوج اناسروک جنرل قمر جاوید باجوہ تون برازیلین سلہہ بند فوج انا چیف آف اسٹاف ایڈمرل سوبرینہو نا اوڑدہی ، ہڑتوم آ کنڈآتا فوجی تعلقداری ، علاقائی سلامتی نا حالیت آتیا خیال آتا درشان ، پاک فوج انا کسبی مہارت و دہشت گردی نابرخلاف سرسہبی تا ستاء

اسلام آباد ۔ 31جولائی (اے پی پی) پاک فوج انا سروک جنرل قمر جاوید باجوہ تون برازیلین سلہہ بند فوج انا چیف آف اسٹاف ایڈمرل سوبرینہو جنرل ہیڈ کوارٹرز (جی ایچ کیو) راولپنڈی ٹی اوڑدہی کرے ۔ اوڑدہی ٹی ہڑتوم آ کنڈآتا فوجی تعلقداری ، علاقائی سلامتی نا حالیت آتون اوار ایلو معاملہ غاتیا شرہ مس ۔ شرفمند آ مہمان پاک فوج انا کسبی مہارت و دہشت گردی نابرخلاف سرسہبی تا ستاءِ کرے ۔ داکان مست جی ایچ کیو راولپنڈی آ سرمننگ آاودے چاق و چوبند دستہ سلامی پیش کرے ۔ مہمان ایڈمرل سوبرینہو یات گار شہداآحاضری تس و پھل آتا چادر اس شاغا ۔