اسلام آباد ۔ 31جولائی (اے پی پی) پاک فوج اناجانباز پائلٹ آک بے کچ جانفشانی نامظاہرہ کرسا پاکستان نا قطبی علاقہ جاٹ اٹی بیافو گلیشیئر نا20 ہزار 650 فٹ بڑزلاتوک ٹل آ اختہ روسی کوہ پیما الیگزینڈر بوکوف ءِ بچفیر ۔ پاک فوج انامحکمہ تعلقات عامہ ( آئی ایس پی آر) نا کنڈآن جاری بیان نارداٹ روسی کوہ پیما الیگزینڈر بوکوف ءِ المی طبی امداد کن سی ایم ایچ سکردو آ گدریفنگانے ۔ روسی کوہ پیما ءِ بچفنگ کن پاکستان آرمی ایوی ایشن نا ہیلی کیپٹر بے کچ شدید موسمی حالیت آتا مقابلہ ءِ کرسا پاکستان اٹی تینا وڑنا جتاءُ ریسکیو آپریشن اس کرے ۔ روسی کوہ پیما 25جولائی آن لاتوک نا ٹل آ اختہ مسوسس و مسہ دے آن اودے سپلائی بند ئس ۔ پاک فوج اودے بچفنگ کن 26 آن 30 جولائی ٹی ریسکیو نا 7 وار کوشست کننگا ولے برف انا جمبر و شدید موسمی حالیت آتا سوب اونا پٹنگ و اودے کشنگ اٹ مشکل آتون مون تروکی ئس۔
