اسلام آباد ۔ 31جولائی (اے پی پی) چین پاکستان اقتصادی راہداری ڈٹ (سی پیک) نارداٹ سند ھ انا ضلع کراچی ٹی پاکستان سٹیل ملز انا جاگہ غا اقتصادی زون آ کاریم برجاءِ ، اقتصادی زون اکن 1500 ایکڑ ڈغار دوئی کننگانے وصنعتی بستی نا جوڑ کننگ کن گام گیج آتاچرجوئی ترندی اٹ برجاءِ ۔ وزارت ڈٹ بندی ٹی جوڑ کروک سی پیک سیکرٹریٹ نا کمامدارآک اے پی پی ءِ پاریر کہ اقتصادی زون اٹی میوہ و خور انا گڑاتا پرنٹنگ اینڈ پیکنگ ،اسٹیل ، آٹو اینڈ الائیڈ ، فارما ، کیمیکل ، گارمنٹس و ایلو تعلقدار صنعت آتا جوڑ کننگ و اوفتے کن آسراتی آ چکار کننگک ۔اسہ سوج اسے آ اوفتاپاننگ ئس کہ داعلاقہ ٹی صنعتی بستی نا جوڑ کننگ نا سلاہ ءِ صوبائی حکومت نا کنڈآن بسوسس واوٹی بنجائی حکومت نا کنڈآن ہچ ءُ مداخلت اس کننگ تنے ۔ کمامدارآتارداٹ سی پیک نا ارٹ میکو مرحلہ نا رداٹ پاکستان اٹی چین نا کمک اٹ صنعتی انقلاب اس بریک ۔ دامرحلہ ٹی ملک انا ہرچار آ صوبہ ‘ گلگت بلتستان ‘ فاٹا وآزاد کشمیر اٹی جم وڑاٹ 9 صنعتی زون جوڑ کننگک ۔
