اسلام آباد ۔ 30جولائی (اے پی پی) احستاب عدالت مسکوہی وزیر اعظم محمد نواز شریف اونا مسڑ مریم نواز و مسکوہی قومی اسمبلی نا باسک کیپٹن (ر)محمد صفدر نا برخلاف دائر اِرانیب ریفرنس آتاسماعت ءِ یکم اگست اسکان پد بٹے ۔ دوشنبے نادے احتساب عدالت نا جج محمد بشیر سماعت ءِ کرے ۔ داوخت آ نیب پراسیکیوٹر سردار مظفر و خواجہ حارث نا کمکار وکیل آک سعد ہاشمی و ظافر خان عدالت اٹی پیش مسر ۔سماعت نا وخت آ فاضل جج محمد بشیر استفسار کرے کہ ہائی کورٹ اٹی کیس انا سماعت ہراوخت آٹی ءِ تو خواجہ حارث ناکمکار وکیل پارے کہ ہائی کورٹ اٹی کیس انا سماعت (اینو) مریک ۔فاضل جج پرمان کرے کہ ہرینہ کہ ہائیکورٹ آن انت پارت اس بریک ۔عدالت کیس انا مستی سماعت ءِ یکم اگست اسکان پد بٹے ۔
