پاک بحریہ ناسروک ایڈمرل ظفر محمود عباسی تون اوڑدہی ، تین پہ تینی است خواہی نا کسبی معاملہ خاص کر بحر ہند انا علاقائی بحری سیکورٹی و آپریشنل تیاری تیا خیال آتا درشان

اسلام آباد۔ 30جولائی (اے پی پی) نگران وزیرِدفاع لیفٹیننٹ جنرل (ریٹائرڈ) نعیم خالد لودھی نیول ہیڈکوارٹرز اسلام آباد نا دورہ ءِ کرے و پاک بحریہ نا سروک ایڈمرل ظفر محمود عباسی تون اوڑدہی کرے ۔ترجمان پاک بحریہ نارداٹ نیول ہیڈ کوارٹرز آ بننگ آ،پاک بحریہ نا سروک وزیرِدفاع ءِ بخیر کرے ۔ پاکستان نیوی نا چاک وچو بند دستہ وزیرِدفاع ءِ سلامی پیش کرے۔ سلامی آن پد شرفمند آ مہمان نا پرنسپل اسٹاف آفیسر زآتون درستی راستی ءِ کرفنگا ۔ اوکان پد ، وزیرِدفاع پاک بحریہ نا سروک ایڈمرل ظفر محمود عباسی تون اوڑدہی کرے ۔ اوڑدہی ٹی تین پہ تینی است خواہی نا کسبی معاملہ خاص کر بحرِ ہند نا علاقائی بحری سکیورٹی و آپریشنل تیاری تیا خیال آتا درشانی ءِ کننگا ۔