اسلام آباد ۔ 30جولائی (اے پی پی) آزاد گچین مروک قومی و صوبائی اسمبلی نا باسکک آتا پاکستان تحریک انصاف نا مخ تفی نا چرجوئی برجاءِ و پنجاب آن تحریک انصاف ءِ پین سرسہبی ملانے ۔ پاکستان تحریک انصاف نا میڈیا ڈیپارٹمنٹ آن جاری بیان اٹی پاننگانے کہ مظفرگڑھ آن باسک قومی اسمبلی باسط بخاری تحریک انصاف اٹی اوار مسنے ۔ بیان اٹی پاننگانے کہ مظفرگڑھ ہی آن باسک پنجاب اسمبلی خرم خان لغاری ہم کیپٹن نا مخ تفی نا پڑو ءِ کرینے ۔ ہڑتوم آ باسک آک بنی گالہ ٹی چیئرمین تحریک انصاف عمران خان تون اوڑدہی کریر ۔ اوک تحریک انصاف نا منشور و سرکڑدہ ہی آ پورو پت انا درشانی ءِ کریر ۔ چیئرمین تحریک انصاف عمران خان باسط بخاری و خرم خان لغاری ءِ پی ٹی آئی ٹی شمولیت کننگ آ بخیر اٹ پارے ۔
