اسلام آباد۔ 30جولائی (اے پی پی) نگران بنجائی وزیر اطلاعات،نشریات ،قومی تاریخ و ادبی میرات بیرسٹر سید علی ظفر ایسوسی ایٹڈ پریس آف پاکستان (اے پی پی ) ،پاکستان ٹیلی ویژن (پی ٹی وی)وریڈیو پاکستان نا کنڈآن لس گچین کاری 2018ناجامع و کسبی کوریج نا ستاءِ کرینے ،ریاستی میڈیا گچین کاری عمل ءِ سرسہب جوڑ کننگ اٹ تینا پبی کڑد ادا کرینے ۔او وزارت اطلاعات و نشریات نا بڑزکو آفیسر و وزارت ناماتحت ادارہ غاتا کمامدارآتا شرف اٹی تروک آ دے انا اِرغ آن تران کریکہ ۔بنجائی وزیر سید علی ظفر پارے کہ نگران حکومت ءِ فرض انا اداکننگ اٹ ایسوسی ایٹڈ پریس آف پاکستان (اے پی پی ) ،پاکستان ٹیلی ویژن (پی ٹی وی) و ریڈیو پاکستان پورو کمک فراوان کرینو ۔ اوپارے کہ سٹیٹ میڈیا غیر جانبداری اٹ معاشی راجی شونداری نا گام گیج و ویل آتے گچین وڑاٹ تالان کرے۔او اومیت ظاہر کرے کہ پوسکن گچین مروک آ حکومت ادارہ غاتے پین سوگو و محکم کیک ۔اوپارے کہ برطانونی ہائی کمشنر تون اوڑدہی ٹی اے پی پی ،پی ٹی وی وریڈیو پاکستان ناجدت و اپ گریڈیشن نا معاملہ غا ہیت کننگا ۔برطانوی ہائی کمشنر دامعاملہ غا پیش رفت نا باوری ترفے۔
