اسلام آباد ۔ 30جولائی (اے پی پی) پاکستان تحریک انصاف ناوائس چیئرمین شاہ محمود قریشی پارینے کہ کل جماعت آک مولانا فضل الرحمان نا بیان ءِ مسترد کرینو۔ جہانی راہشون تا کنڈآن عمران خان ءِ مبارکبادی نا کلہو آک رسینگ انگ ءُ ہراڑآن صاف ظاہر مریک کہ پاکستان نا گچین کاری تے پیشن نا ملک اٹی امنا کننگ انگ ءِ ۔ دوشنبے نادے الیکشن کمیشن نا پیشن ذرائع ابلاغ نا نمائندہ غاتون ہیت وگپ کرسا اوپارے کہ اونا سیکرٹری الیکشن کمیشن تون اوڑدہی مسنے ۔ 2018ء نا گچین کاری تے صاف و شفاف کرفنگ آ الیکشن کمیشن ءِ مبارکبادی تسنے ۔ اوپارے کہ ملکی و درملکی مبصرآک پاکستان نا گچین کاری تے شفاف گوندانو۔ اوپارے کہ جہانی کہول آ عمران خان ءِ مبارکبادی تننگ انگ ءِ ہراڑآن صاف ظاہر ءِ کہ پاکستان نا گچین کاری تے پیشن نا ملک اٹی امنا کننگ انگ ءِ ۔ اسہ سوج اسے نا ورندی ٹی اوپارے کہ گیشتر سیاسی جماعت آک اے پی سی ٹی خواست آتے مسترد کرینو ۔ اوپارے کہ کس اسے نا جمہوریت ءِ نسخان تننگ نا کوشست سرسہب مفک ۔
