اسلام آباد۔ 12 فروری (اے پی پی)مزن وزیر شاہد خاقان عباسی ءَ گوں حسیمیہ سکول کراچی ءُُ سیفیہ سکول کراچی ءِ نودربرآنی یک ڈل ئے ءَ گند ءُُ نند ادا مزن وزیر کارگس ءَ کت۔ مزن وزیر ءِ ھاسیں کمکار علی جہانگیر صدیقی، پارلیمانی سیکرٹری برائے موسمی مٹ ءُُ بدلی رومینہ خورشید عالم ءُُ سکول فیکلٹی ممبر ھم اے موہ ءِ سر ءَ ساڑی اتنت۔ مزن وزیر ءَ گوشت کہ پاکستان مسلم لیگ (ن) ءِ حکومت ءَ پرائم منسٹر یوتھ پروگرام ءِ چیر دستی ءَ زالبول آناں وت مستر کنگ ءُُ جنکیں زھگ آناں زانت ءُُ زانشت ءِ نیمگ ءَ دلگوشی کتگ۔ آئی ءَ گوشت کہ جنکیں زھگ آنی وانینگ سک باز ارزشتی اِنت چیا کہ آ مئے آیوکیں باندات اَنت بُرز ءُُ بالا روگ ءِ زمہ وار اَنت۔ یک جستے ءِ پسو ءَ مزن وزیر ءَ گوشت کہ کامیاتی ءِ واستہ اِچ شارٹ کٹ نیت۔ نودربر آناں ترندیں اِزمت کنگی اِنت تانکہ آ وتی وتی شوبگ آنی تہ ءَ پاکستان ءِ اِزمت ءَ کت بکن اَنت۔ ایشی ءَ چہ پیسر علی جہانگیر صدیقی ءَ نودربر آنی گوما یک گند ءُُ نند ءِ کت ءُُ حکومت ءِ انتظامی شوبگ ءِ کار آنی بابت ءَ آئی ءَ را بریف کت۔
