اسلام آباد ۔ 17 نومبر (اے پی پی) آرمی چیف جنرل راحیل شریف ئَ پارلیمنٹ ئِ یکجائی دیوان ئَ گوں ترکی ئِ صدر رجب اردگان ئِ گشتانک ئَ را وشیں کلوہ ئِ گوشان ئَ آئی ئَ گوشت کہ اے یکوئی تپاکی دراج بُرین اِت۔ یک ئِ دومی ئِ گوما گرانیں ئُُ سکیں ساھت ئَ یک پاد ئَ اوشتاتگ اَنت۔ راج دلیکیم بہ بیت پاکستان ئِ دیمپانی مھکمیں کوپگان اِنت۔ اے ھیالانی درشانی آئی ئَ پنچ شمبے ئِ روچ ئَ پارلیمنٹ گس ئَ گوں ڈپٹی سپیکر راجی اسمبلی ئِ چیمبر ئِ نیمگ ئَ روان ئَ یک اھوالکارے ئِ جُست ئِ پسو ئَ دیان ئَ کُت اَنت۔ آرمی چیف ئَ گوشت کہ ترک صدر ئَ پارلیمنٹ ئِ یکجائی دیوان ئَ گوں تران گوں دل ئِ جُھلانک ئَ کتگئُُ آئی ئَ وتی جوزگ آنی درشان کتگ۔ پارلیمنٹ ئِ یکجائی دیوان ئَ ترکی ئِ صدر ئِ تران ئَ چہ دوئیں ملک آنی سیادی ئَ را گیش مھکمی رسیت، کشمیر ئِ جیڈھ ئِ سر ئَ ترکی ئِ اُلس ئُُ حکومت پاکستان ئِ گوما یک پاد ئَ اوشتاتگ۔ یک جُستے ئِ پسو ئَ آرمی چیف جنرل راحیل شریف ئَ گوشت کہ راجی دلیکیم بہ بیت کہ دیمپانی مھکمیں کوپگان اِنت۔
