دہشت گردی نا لعنت ئِ ماس آن کشکنگ کن تینا کمک و کوشست آتے برجاتخنہ، ترجمان دفترخارجہ
اسلام آباد۔ 17نومبر(اے پی پی) پاکستان کابل اٹی دہشت گرد آتا جلہو ناترندی اٹ مذمت ئِ کرسا جلہو اٹی تپاخت کروک آتا خاہوت آتون دلی ہڑزخواہی نا درشانی ئِ کرینے۔ دفترخارجہ نا ترجمان نا رداٹ پاکستان پنچ شنبے آ اوغانستان نا دارالحکومت کابل اٹی سیکورٹی فورس آتے دروک آ گاڈی آ خودکش جلہو نا ترندی اٹ مذمت ئِ کرینے و جلہو اٹی قیمتی انسانی جان تا زیان آ ڈکھ و غم و پدسلوک آ خاہوت آتون دلی ہڑزخواہی نا درشانی ئِ کرینے۔ ترجمان نا پاننگ ئِ کہ پاکستان ہر وڑنا دہشت گردی نا مذمت و دہشت گردی نا لعنت ئِ ماس آن کشکنگ کن تیناکمک و کوشست آتا عزم انا اعادہ ئِ کیک۔
