اسلام آباد ۔ 15 اکتوبر (اے پی پی) بُنجاھی وزیر ئِ ھزانگ اسحاق ڈار ئَ گوشتگ کہ ملکی ئُُ درملکی سرمایہ کار ئُُ کاروباری مردم آناں توامیں رنگ ئِ آسراتی پُجارین آں۔ میاں اوستمانی پڑ ئَ پاکستان ئَ کاروبار ئُُ سرمایہ کاری ئِ ھاترا موسم وش بوھان اِنت۔ پاکستان ئَ را جوانیں موسم ئِ نپ الم چست کنگی اِنت۔ اے گپ آئی ئَ یک شمبے ئِ روچ ئَ اِدا کاروبار ئِ ھاترا گامگیج آنی سر ئَ چار ئُُ تپاسی ئِ ھاترا یک دیوانے ئِ تہ ئَ پاگواجئی کنان ئَ کُت اَنت۔ اے موہ ئَ سیکرٹری ھزانگ ئَ بُنجاھی وزیر ئَ را کاروبار ئِ ھاترا موہ آنی بابت ئَ بریفنگ دات۔ اے گامگیج آنی تہ ئَ کاروبار ئِ بندات، توان ئُُ وام آنی گرگ ، جائیداد آنی رجسٹریشن، سرمایہ کار آنی حفاظت، ٹیکس آنی دیگ، سیم سر ئَ آدیم تجارت ئُُ منوگری آنی وڑ ئَ کنگ ھوار اَنت۔ بُنجاھی وزیر ئَ توامیں سٹیک ھولڈر آنی گوما کمک کنگ ئِ سر ئَ زور پردات۔ آئی ئَ ہدایت کُت کہ ملکی ئُُ درملکی سرمایہ کار ئُُ کاروباری مردم آناں توامیں آسراتی پُجارینگ بہ بیت۔ آئی ئَ گوشت کہ پاکستان معشیت ئُُ امن ئُُ ایمنی ئِ جاور آل آنی جوانی ئَ چہ نپ ئُُ سیت زورگی اِنت۔
