بلوچستان ءِ جیڑہانی گیش ءُ گیوار درستانی یکجائی ذمہ واری اِنت، خیبر پختونخوا ءُ بلوچستان ءَ ناشرکاری ءِ سیادی گوں اوگانستان ءَ اِنت، آئی سی یو یلہ کنگ بوتگ، وزیر دفاع راجی اسمبلی ءَ وتی ھیالانی درشان ءَ کنت

اسلام آباد۔16جون  (اے پی پی): وزیر دفاع خواجہ محمد آصف ءَ گشتگ کہ بلوچستان ءِ جیڑہانی گیش ءُ گیوار درستانی یکجائی ذمہ واری انت، آزات کشمیر ءَ چہ پناہ گزین آنی نشست ءِ فیصلہ اودا گچین بوتگیں اسمبلی ءَ کنگی انت ءُ گچین بوتگیں راج ءِ نمائندگ، خیبر پختونخوا ءَ اوگانستان ءَ گوں براہ راست سیادی انت۔ سئے شمبے ءِ روچ ءَ راجی اسمبلی ءَ آیوکیں مالی سال ءِ وفاقی بجٹ ءِ ھوالگ ءَ گپ ءُ تران ءَ بھر زوری کنان ءَ خواجہ محمد آصف ءَ گوشت کہ ایراد گرگ ءِ وھد ءَ ما گوست ءَ چہ شموشکار ایں ءُ یکے دومی ءِ سر ءَ ھما الزام جن ایں کہ ما وت کتگ اَنت۔ الزام یکے دومی ءِ سرا جنئگ مہ بیت بلکیں ما وتی شریکاں ہم بہ چاریں۔ سیاست ءِ تہا سرمئی دمگ است انت بلے لھتیں موہاں اے دمگ کم چہ کم کنگ بوت کن انت۔ وزیر دفاع ءَ گوشت کہ پاکستان ءَ امن گپ ءُ تران ءَ را سوبمندی ءِ موقف ءَ آؤرتگ ءَ مزنیں سوبمندی یے رستگ۔ یک سالے ءِ تہا دو پڑ اتک انت کہ آہاں مہروانیں وطن ءِ مزنی سرجمیں دنیا ءَ زانتگ۔ ایشی ءِ ھاتر ءَ ما مزن وزیر، فیلڈ مارشل ءُ درستیں فوجی آنی منت وار ایں کہ آہاں زانتکاری ءَ گوں ناممکن ءَ را ممکن جوڑ کتگ۔ مئی 2025 ءَ مئے چہ پنچ رند ءَ مزنیں دژمنے ءَ مئے سرا اُرش کُت کہ ما آئی ءِ لائکیں پسو دات۔ اے وڑیں ساھت راجانی راجدپتر ءِ تہ ءَ سداں سالاں پد کیت کہ اے شان ءِ گپ اِنت۔ اگاں پاکستان ءِ ازت گیش بوتگ گڑا قوم ءِ ہمک فرد ءِ ازت گیش بوتگ۔ ما یک راجے ءِ بستار ءَ اے سوبمندی ءَ را وش آتک بہ کنیں۔ وزیر دفاع ءَ گشتگ کہ بلوچستان ءِ جیڑہ یک ءُ دو روچ ءَ دیم ءَ نہ اتکگ انت ، اے جیڑہانی گیش ءُ گیوار درستانی یکجائی ذمہ واری انت ، اگاں ناشرکاراں شاہراہ ءُ راہ بے ایمن جوڑ کتگ انت گڈا اے ایوان ءِ یکجائی ذمہ واری انت کہ ایشی ءِ ہلاس کنگ ءَ بلوچستان ءِ جیڑہ وتی کرد ءَ پیلو بہ کنت ،, ءَ گوں مشترکہ زانت ءَ گیش ءُ گیوار کنگی اِنت پرچا کہ جیڑہ ھچ یک پارٹی ءُ استان ءِ میار نہ اِنت، ایشی ءِ ذمہ واری مئے درستانی سر ءَ اِنت ءُ اے وڑ ءَ گیش ءُ گیوار کنگ بہ بیت کہ بلوچستان ءِ مہلوک ءِ دیم ءَ منّگ بہ بیت۔ وزیر دفاع ءَ گشتگ کہ ایران ءِ گوما ہر تک ءُ پھنات ءَ سیادی گہتر بوتگ انت، ایران ءِ سرا بندش ہلاس بوہگ ءَ انت، اے بدلی آں چہ پاکستان ءَ گیش سیت رسیت ءُ مارا گیش سیت رسگی انت، بندشانی ہلاس کنگ ءَ چہ بلوچستان ءَ گیشتر سیت رسیت۔ وزیر دفاع ءَ گشتگ کہ خیبر پختونخوا ءُ بلوچستان ءَ ناشرکاری ءِ سیادی اوگانستان ءَ گوں انت۔ من وت دو رند ءَ کابل ءَ شتگ آں ۔ اے گپ ءِ نبشتہی گارنٹی دیگ ءَ ساڑی نہ اَنت کہ آیانی سرزمین پاکستان ءِ ھلاپ ءَ کارمرد کنگ نہ بیت۔ من ترکی ءُ قطر ءَ ھم گوں آھاں گند ءُ نند کتگ۔ ترکی ءُ قطر ءِ مزنیں ڈل ھم اے کار ءَ ھوار بوتگ اَنت بلے آیانی آسر ثابت کنگ نہ بوتگ اَنت۔ ما ایشانی وش کنگ ءِ واستا ھرچ وڑیں کارے کنگ ءَ ساڑی ایں، بلے آ اے گپ ءِ گارنٹی دیگ ءَ ساڑی نہ اَنت کہ ایشانی سرزمین پاکستان ءِ ھلاپ ءَ کارمرد کنگ نہ بیت۔ وزیر دفاع ءَ گوشت کہ ما چل سال ءَ چہ اوگان آنی میزبانی کتگ بلے ادا امن نئیتکگ۔ چہ سال 2022 ءَ 4  ہزار سیکورٹی کارندہ  شہید کنگ بوتگ انت۔ اے کارندہ چہ ھما مردماں کہ ما میزبانی کتگ انت، ترس ءُ بیم ءِ آماچ بوتگ انت۔ وزیر دفاع ءَ گوشت کہ ھشتاد ءِ دہک ءِ سبب ءَ پاکستان جنگی ھند جوڑ بوت، در ءَ چہ آیوکیں مردم شت انت ءُ دراہیں ملبہ ءُ سلاہ ادا یلہ بوت انت۔ ما اے گپ ءِ منفی اثراتاں چہ زھر بوھگ ءَ ایں ۔ پاکستان گپ کنگ ءَ اِنت ءُ گپ ءُ تران ءِ آسر ھم تیار بیت، بلے آئی ءَ را اے گپ ءِ ضمانت دیگی اِنت کہ اوگانستان ءِ ھاک پاکستان ءِ ھلاپ ءَ کارمرد کنگ نہ بیت۔ پوائنٹ اسکورنگ ءِ گپ مہ بیت۔ وزیر دفاع ءَ گوشت کہ دو روچ ءِ تہ ءَ ما 21 جنازہ ءَ بھر زرتگ، کسانیں زھگ کشگ بوھگ ءَ انت، ھما مردم کہ اوگانستان ءِ سیمسر ءَ وتی فرض ءَ پیلو کنگ ءَ انت ءُ آھانی کھول ھم است انت، آھانی قربانی الم ءَ یات کنگ بنت ءُ اے جاگہ ​​بے سوب نہ رو انت۔ ھما مردماں کہ شھید بیگ ءَ اَنت وفاداری ءِ کِسّہ گوں وتی ھوناں نبشتہ کُتگ۔ اے مئے درستانی شہادت اَنت۔ وزیر دفاع ءَ گوشت کہ آزات کشمیر ءَ پدریں رنگ ءَ نندوکیں مردم آنی تہ ءَ برطانیہ ءُ ھندوستان ءَ نندوکیں لھتے مردم ھوار اَنت، 12درسد پاکستان ءَ پناہ گزین اَنت ءُ آزات کشمیر ءِ نندوکیں مردم آنی کساس گیش اِنت۔ خون ءِ سرا چہ چہ چہ نہ بوتگ انت، آہانی حلقہ پناہ گزینانی نشست انت۔ اے ہما مردم اتنت کہ چہ خون ءِ سرا چہ ٹپّی بوتگ اتنت۔ شاہدو مقبول بٹ، چوہدری غلام عباس ءُ کے ایچ خورشید چہ پناہ گزینانی نشستاں شکست داتگ انت۔ درملکی مالی کمک ءِ تنظیم ہم اے نشستانی سلسلہ ءَ یکجاہ کار کنگ ءَ انت، آہانی درستیں لوٹ پیلو کنگ بوتگ انت۔ آزات کشمیر ءِ مہلوک ءُ پناہ گزیناں اے پیسلہ ءِ اجازت دیگ بہ بیت بلے اے پیسلہ ہچ گروہ ءَ دیگ نہ بیت۔ آئی ءَ گوشت کہ منی حلقہ ءَ پشتون ووٹر است انت، آہانی پجار دائمی ءُ دائمی انت۔ ہمے وڑا پنجاب ءِ مہلوک پشاور ءُ دگہ دمگاں آباد انت، پشتونانی واستہ جتا جتائیں نشستانی گپ جنگ تپاکی ءَ ابید دگہ ہچ نہ انت۔ وزیر دفاع ءَ گوشت کہ اے ایوان الس ءِ نمائندہ ایوان اِنت، ادا وفاق ءُ وطن ءِ حلاف ءَ سیاسی پوائنٹ اسکورنگ ءِ دعویٰ آنی بابت ءَ گپ ءُ تران کنگ مہ بیت۔ وزیر دفاع ءَ گوشت کہ استیں حکومت ءِ دور ءِ بندات ءَ ملک دیوالیہ بوھگ ءِ نزیک ءَ بوتگ بلے حکومتی گامگیج آنی سبب ءَ ملک آئی سی یو ءَ چہ دراتکگ۔ معیشت استحکام ءِ راہ ءَ انت ءُ گمان انت کہ آیوکیں یک ءُ دو سال ءِ تہا جی ڈی پی ءِ شرح شش ءَ چہ ہفت درسد ءَ زورگ بیت۔ پٹرولیم ءِ چیزانی نہادانی تہ ءَ کمی ءِ سیت الس ءَ را سر کنگ بیت۔ ٹیکس ءِ یک انچیں شرحے بہ بیت کہ اودا مردم وتی ٹیکساں گوں شان ءَ دات بہ کن انت۔