اسلام آباد۔ 14اکتوبر (اے پی پی) پاکستان آن اوغان مہاجر آتا وطن آ پدی ہِننگ نا چرجوئی جاری ئِ تدوک آ دے 6ہزار 12بندغ وطن آ پدی رسینگار جمی وڑاٹ وطن آ پدی ہنوک آ رجسٹرڈ اوغان مہاجر آتا کچ 2لکھ 44ہزار اسکان سرمس ۔ یو این ایچ سی آر نا نمائندہ جمعہ آ اے پی پی تون ہیت وگپ کرسا پارے کہ مچ آ ملک آن رجسٹرڈ اوغان مہاجر آتا پدی ہِننگ نا چرجوئی برجاءِ تدوک آ دے 6ہزار12بندغ اوغانستان آ رسینگانو۔ پدی ہنوک آ اوغان مہاجرآک پشاور و کوئٹہ نا بنجاتیان ہنانو اوپارے کہ اینخو سال دسمبر اسکان یو این ایچ سی آر و وزارت سیفران رجسٹرڈ اوغان مہاجر آتا پدی ہِننگ نا ہدف 4لکھ بندغ مقرر کننگانے۔ وخت اس کہ اوغانستان آ پدی ہنوک آ رجسٹرڈ مہاجر آتے 4سد ڈالر ہر اسہ بندغ ئِ تننگ انگ ئِ اوپارے کہ اوغانستان آ پدی ہنوک آ بندغ آتے خورانا جہانی ادارہ ورلڈ فوڈ پروگرام مفت خور تننگ اٹی ئِ۔
