کوئٹہ، نادرست سلہہ بند بندغ آتا سم کاری آن ایف سی نا 3کارندہ تپاخت کریر
کوئٹہ۔ 14اکتوبر (اے پی پی) کوئٹہ ٹی نادرست سلہہ بند بندغ آتا سم کاری آن ایف سی نا 3کارندہ تپاخت کریر۔ پولیس نا رداٹ کوئٹہ سمنگلی روڈ آ نادرست سلہہ بندموٹرسائیکل آ سوار اناگت ایف سی کارندہ غاتیا سم کاری کریر ہرانا نتیجہ ٹی مسہ کارندہ بھاز ٹھپی مسر ہرافتے دمدستی وڑاٹ بی ایم سی ہسپتال آ گدریفنگاکہ کہ ٹھپ آتا تاب ئِ ہتنگ کتوس شہید مسر۔ شہید مروک آ کارندہ غاتیٹی عارف، عبدالطیف و فیض اللہ اوارو۔ پولیس و سیکورٹی فورسز آک علاقہ نا ناکہ بندی ئِ کرسا دوبہ دارآتاپٹنگ نا بنائِ کریر۔ داکان بیدس وزیراعلیٰ بلوچستان نواب ثناءاللہ خان زہری واقعہ نا ترندی اٹ مذمت ئِ کرسا دمدستی رپورٹ ئِ بٹنگانے۔ وزیراعلیٰ پولیس و انتظامیہ ئِ دوبہ دارآتا دزگیری کن غٹ وسیلہ غاتے کاریم اٹ اتنگ نا پارت کرینے۔
