اسلام آباد۔ 14اکتوبر (اے پی پی) وزارت ڈٹ بندی و شونتری اینخو مالی سال 2016-17ءنا سرکاری بشخ انا شونداری پروگرام آتیٹی ریلویز ڈویژن نا شونداری ڈٹ آتے کن جمی وڑاٹ 9ارب 37کروڑ 87لکھ روپئی آن زیات نا فنڈز جاری کرینے۔ حکومت اینخو مالی سال اٹی ریلویز ڈویژن نا شونداری ڈٹ آتے کن 41ارب روپئی نا فنڈز جتا کرینے۔ پلاننگ کمیشن نا جاری کروک حساب وکتاب نا رداٹ حکومت گوادر اٹی ریلوے کوسٹل ہائی وے لین اکن 3کروڑ 40لکھ ، اسٹاف کوارٹرز نا جوڑ جاڑ کن 6کروڑ 30لکھ، کول ٹرانسپورٹریشن کن 3ارب 65کروڑ، 2010جلاب آں زہمی ماڑی تا بحالی کن 89کروڑ، کراچی۔خانپور ٹریک نا بحالی کن 17کروڑ، ریلوے اسٹیشن نا اپ گریڈیشن کن 10کروڑ، رولنگ اسٹاک و ٹریک نا بحالی کن 40 کروڑ، 100 ڈی ای لوکو موٹو کن 51کروڑ، 800 کوچز و 2000ویگن آتا جوڑ جاڑ کن 25کروڑ، پورٹ قاسم بن اسٹیشن کن 53کروڑروپئی تون اوار کیہی شونداری ڈٹ آتے کن فنڈز جاری کرینے۔
