اسلام آباد۔ 14اکتوبر (اے پی پی) ملک اٹی توانائی نا تنکی نا مون ئِ توننگ کن تربیلا فور ودیکی ڈٹ آن بروک آ سال آن 1410میگاواٹ نا ودکی بجلی نا پیداوار بناءکیک۔ واپڈا ذرائع نا رداٹ ارساڈٹ آ خڑچ انا جمی تخمینہ 92کروڑ ڈالر ئِ۔ بنائی فزیبلٹی نا رداٹ ڈٹ آ کاریم 2018ءٹی پورو مروئی ئس ولے وزیراعظم کاریم ئِ وخت آن مست پورو کننگ نا حکم تس اوکان گڈ ڈٹ آ کاریم نا رفتار ترند کننگانے۔ داسااومیت ارے کہ مئی 2017ءآن پیداوار بناءکیک۔ 1410میگاواٹ نا پیداوار ودنگ آن تربیلا ڈیم آن بجلی نا پیداوار ودسا 4888میگاواٹ مریک۔ جہانی بینک داڈٹ اکن 84کروڑ ڈالر نا مالی کمکاری فراوان کننگ ئِ وخت اس کہ ایلو زر انا بست و بند ئِ واپڈا تینٹ کرینے۔ تربیلا ڈیم آن داوخت آ بجلی نا پیداوار 3478میگاواٹ ئِ۔ ڈٹ پورو مننگ آن پد سالانہ 30ارب 70کروڑ ڈالر نا مالی فائدہ مریک و ڈٹ 3سال اٹی تینا لاگت ئِ پورو کیک۔
