اسلام آباد۔ 13اکتوبر(اے پی پی) وزیر مملکت نیشنل ہیلتھ سروسز سائرہ افضل تارڑ پارینے کہ اونا وزارت نا نیشنل ایکشن پلان تولیدی جان جوڑی و لمہ و چناتا غذائیت نا گرج آتیان بابت گام گیج کننگ اٹی ئِ۔ وزارت ہیلتھ سروسز لمہ و چنا نا گچین جان جوڑی ئِ باوری جوڑ کننگ کن قومی و صوبائی فنڈ ز اٹی ودکی آ زورشاغانے و پارینے کہ لمہ و چنا نا جوان جان جوڑی ہی قوم انا گچین آخبت نا ضمانت ئِ۔ وزارت نا کنڈآن تیار کردہ نیشنل ایکشن پلان 2016-15ءنا رداٹ دا چرجوئی ٹی گچین گام گیج کننگانے لمہ و چنا نا جان جوڑی کن بنجائی و صوبائی حکومت آک غٹ وسیلہ غاتے کاریم اٹ اتنگ ئُ۔ داوخت آ جان جوڑی نا بشخ آ جمی قومی پیداوار نا 0.6درسد خڑچ کننگ انگ ئِ و دیہی جان جوڑی نا سروسز اٹی لیڈی ہیلتھ ورکرز پروگرام و کمیونٹی میڈوائفز آ مرکوز ئِ ہر سال تقریباََ 8ہزار پاکستانی نیاڑی حمل نا وخت آ خیالداری و جان جوڑی نا آسراتی تا عدم دستیابی نا سوب کذیت کیرہ اونا بھلا سوب نیزگاری، پسماندگی ، طبی آسراتی نا کمتی ئِ وخت اس کہ پاکستان اٹی کم وئی نا برام و ناخواندگی ہم اوٹی اوارے۔ اگرچہ پاکستان اٹی پوسکن ودی مروک آ چناتا مرک انا کچ اٹی کمتی بسنے۔
