حکومت قطبی وزیرستان نا بے اُرا بندغ آتے ہند آتا معاوضہ کن اسہ ارب 93کروڑ روپئی جاری کرے

اسلام آباد۔ 13اکتوبر (اے پی پی) حکومت قطبی وزیرستان نا بے اُرا بندغ آتا ہند آتا معاوضہ کن اسہ ارب 93کروڑ روپئی جاری کرینے۔ آپریشن ضرب عضب اٹی پورو بھس مروک آ اُراکن چار لکھ روپئی وخت اس کہ جزوی وڑاٹ زہمی مروک آ اُراتے کن اسہ لکھ شست ہزار روپئی معاوضہ اداکننگ انگ ئِ۔ فاٹا آر آر یو نا ڈپٹی پروگرام منیجر حماد خان اے پی پی تون ہیت وگپ کرسا پارے کہ آپریشن ضرب عضب اٹی بے اُرا بندغ آتا ہند آتا دُوارہ مقیم کن معاوضہ غاتا ادائیگی نا چرجوئی جاری ئِ بنجائی حکومت دا چرجوئی ٹی قطبی وزیرستان نا بے اُرا بندغ آتا 19ہزار اُراتا دُوارہ جوڑ جاڑ کن اسہ ارب 93کروڑ روپئی جاری کرینے داوخت اسکان قطبی وزیرستان نا مسہ سد 97ہند آتا معاوضہ غاتا زرادا کننگانے ہرافتے آن 72پوروی وڑاٹ بھس وخت اس کہ مسہ سد 25ہند آتے جزوی وڑاٹ نسخان رسینگاسس ئِ معاوضہ جات نا ادائیگی کننگانے اوپارے کہ آپریشن آن زہمی مروک آ ایلو علاقہ غاتیٹی ہم ہند آتا دُوارہ جوڑ جاڑ کن معاوضہ جات اداکننگ انگ ئِ وخت اس کہ آپریشن اٹی پوروی وڑاٹ بھس مروک آ اُرانا مالک ئِ 4لکھ روپئی وخت اس کہ جزوی وڑاٹ زہمی مروک آ اُرانا مالک ئِ اسہ لکھ شست ہزار روپئی تننگ انگ ئِ۔