اسلام آباد ۔ 13 اکتوبر (اے پی پی) اسلام آباد ئَ نندوکیں اسپین ئِ سفارتکار ئَ وت کُشی کت۔ پی ٹی ویئِ رد ئَ اسلام آباد ئِ تھانہ کوھسار ئِ ھد ئُُ ابیل ئَ سیکٹر ایف سیوان ٹو ئَ نندوکیں سپین ئِ سفارتکار جان جینزس ئَ وت ئَ را تیر ئِ جت ئُُ وت کُشی کُت۔ پولیس ئِ رد ئَ جان جیزس وتی لوگ ئَ ایوک ئَ نشتگ بوتگ، آئی ئَ دو سانگ کتگ بوتگ ئُُ دوئیں لوگ بانُک آں آرا یل داتگ ئُُ شتگ بوتگ اَنت۔ آئی ئِ ورگ گراد ھم گوستگیں بیگاہ ئَ لوگ ئَ ڈن بوتگ۔ آ گوستگیں 34سال ئَ چہ اسلام آباد ئَ نندوک بوتگ، آ دم ئِ کشگ ئِ نادُراھی ئِ آماچ بوھگ ئِ سبب ئَ ھندی نادُراھ جاھے ئَ زیر ئِ الاج بوتگ۔ پولیس ئَ آئی ئِ کوٹی ئَ چہ 38بور ئِ پستول ئِ دزگیر کُت ئُُ لاش ئِ پوسٹ مارٹم ئِ ھاترا نادُراھ جاھ ئَ روان داتئُُُ واکیہ ئِ گیش پٹ ئُُ پول ئِ بندات کُت۔
