اسلام آباد۔ 10اکتوبر (اے پی پی) ملک آن اوغان مہاجر آتا وطن آ پدی ہِننگ نا چرجوئی برجائِ و تدوک آ دے پین پنچ ہزار 654پناہ گزین اوغانستان آ سرمسر، اینخو سال پدی ہنوک آ رجسٹرڈ اوغان مہاجر آتا کچ اِرا لکھ سی ہزار اسکان سرمس۔ دوشنبے آ یو این ایچ سی آر نا نمائندہ اے پی پی تون ہیت وگپ کرسا پارے کہ پاکستان آن اوغان مہاجر آتا پدی ہِننگ نا چرجوئی برجائِ ، تدوک آدے ملک آن 5ہزار 654بندغ اوغانستان آ سرمسنو، اینخو سال اٹی رجسٹرڈ اوغان مہاجر آتیان اِرا لکھ سی ہزار بندغ وطن آ پدی ہنانو۔ اوپارے کہ رجسٹرڈ اوغان مہاجر آتا وطن آ پدی ہِننگ نا غٹ آن زیات کچ شرح صوبہ خیبرپختونخواٹی ئِ ہراکان اسہ لکھ 85ہزار 697اوغان مہاجر پدی وطن آہنانو وخت اس کہ بلوچستان آن پانزدہ ہزار 133، سندھ آن اِرا ہزار 64صوبہ پنجاب آن 23ہزار 762اسلام آباد آن مسہ ہزاراسہ سد و آزاد کشمیر آن پدی ہنوک آ پناہ گزین آتا کچ 247ئِ۔ اوپارے کہ اوغان مہاجر آتے وطن آ پدی ہِننگ ناوخت آ چارسد ڈالر تننگ انگ ئِ ۔ اوغانستان اٹی سرمننگ آن پد مفت خور تننگ انگ ئِ وخت اس کہ مہاجر آتا چناتے تعلیم نا دوئی کن ہم مفت جتا این جی اوز تعلیم نا فراوانی کن کوشست کننگ اٹی ئُ۔
