اسلام آباد۔ 10اکتوبر (اے پی پی) وزارت پٹرولیم و قدرتی وسیلہ پارینے کہ ایل این جی نا درآمد آن بروک آ تیرمہ ٹی گیس انا فراوانی ٹی نمان گچینی بریک۔ وزارت پٹرولیم و قدرتی وسیلہ نا ذرائع نا رداٹ ایل این جی نا درآمد نا بناءمننگ و تیل و گیس انا 84پوسکنا دریافت آتا سوب گیس و تیل انا پیداوار اٹی نمان ودکی مسنے و مسکوہی سال انا مقابلہ ٹی اینخو سال تیرمہ ٹی گیس انا حالیت آک نمان وڑاٹ گچین مریرہ ۔ حکومت تیل وگیس انا طلب اٹی پرخ ئِ مر کننگ کن کیہی ڈٹ آتیا کاریم کننگ ئِ و اگہ المی مس تو لوڈمینجمنٹ آ ہم عمل کننگک۔ داوخت اُرائی ، کمرشل ، صنعتی ، توانائی ، کھد و سی این جی نا بشخ آتے بلاتعطل گیس فراوان کننگ انگ ئِ ۔ تیل و گیس انا پیداوار نا بشخ اٹی پوسکنا دریافت آتیان گڈ سسٹم اٹی 27ہزار 359بیرل یومیہ خام تیل و 631ایم ایم سی ایف ڈی گیس سسٹم اٹی اوار کننگا۔
