اسلام آباد۔ 10اکتوبر (اے پی پی) وزارت ڈٹ بندی و شونتری اینخو مالی سال انا سرکاری بشخ انا شونداری پروگرام اٹی کیہی وزارت و ڈویژن آتا شونداری ڈٹ آتے کن جمی وڑاٹ اسہ کھرب 23ارب 62کروڑ 34لکھ روپئی آن زیات نا فنڈز جاری کرینے، حکومت اینخو مالی سال اٹی سرکاری بشخ انا شونداری پروگرام آتے کن 7کھرب روپئی نا فنڈز جتا کرینے۔ پلاننگ کمیشن نا جاری کروک حساب وکتاب نا رداٹ حکومت پرائم منسٹر یوتھ و ہنر مند پروگرام کن اسہ ارب 41کروڑ، عارضی وڑاٹ بے اُرا مروک آ بندغ آتا بحالی کن 42ارب 56کروڑ ، سیفران /فاٹا کن 4ارب 13کروڑ، گلگت بلتستان بلاک کن 4ارب 50کروڑ، اے جے کے بلاک کن 2ارب 75کروڑ، واپڈ اپاور سیکٹر کن 6ارب 80کروڑ، نیشنل ہائی وے اتھارٹی کن 19ارب، دیر و بجلی ڈویژن کن 3ارب 38کروڑ ، سپارکو کن 40کروڑ، پورٹس اینڈ شپنگ ڈویژن کن 25کروڑ، ڈٹ بندی و شونتری ڈویژن کن 2ارب 15کروڑ، پٹرولیم و قدرتی وسیلہ ڈویژن کن 45کروڑ، پاکستان اٹامک انرجی کمیشن کن 6ارب 33کروڑ، جان جوڑی نا آسراتی کن 5ارب 50کروڑ، داخلہ ڈویژن کن 2ارب64کروڑ، و ہائیر ایجوکیشن کمیشن کن 4ارب 36کروڑ تون اوار کیہی شونداری ڈٹ آتے کن فنڈز جاری کرینے۔
