واشنگٹن۔ 10 اکتوبر (اے پی پی)امریکا ئَ پاکستان ئِ سفیر جلیل عباس جیلانی ئَ گوشت کہ امریکی صدارتی گچین کاری ئَ پاکستانی کمیونٹی ارزشتی ایں کرد ئِ پیلو کنتئُُ آ یکجائی ئَ یک مُشت بوت ئُُ وتی کمیونٹی ئَ را نپ دات کناں۔ اے گپ آئی ئَ امریکا ئَ نندوکیں پاکستانی کمیونٹی ئِ ھمک سالی کنونشن ئَ گوں تران کنان ئَ گوشت اے دیوان پاکستانی سفارتخانہ ئَ برجم دارگ بوتگ اَت۔ آئی ئَ گوشت کہ ھمک سالی اے دیوان مھکمیں پلیٹ فارم ئِ جوڑ بوتگ ئُُ ایشی ئَ چہ پاکستانی کمیونٹی وتی نپ ئُُ سیت آنی بابت ئَ جوانتری ئَ چار ئُُ بچار کُت کنت۔ کنونشن ئَ امریکا ئَ نندوکیں پاکستانی کمیونٹی ئِ ھاسیں باسک ساڑی اَتاں ، ایش امریکا ئَ بازیں شوبگ آنی ئَ کار کنگ ئَ اَنت۔ آئی ئَ گوشت کہ امریکہ ئَ گچین کاری ئِ تہ ئَ پاکستانی کمیونٹی ئِ ارزشتی ایں کرد اِت، پاکستانی کمیونٹی اگاں اے پڑ ئَ جوانیں رپکے ئَ گچین کاری آناں وتی مول ئُُ مراد آنی ھاترا کارمردم کُت کنت۔
