واشنگٹن۔ 8 اکتوبر (اے پی پی) جموں کشمیر ئِ واستہ مزن وزیرئِ ھاسیں نمائندگ سینیٹر مشاہد حسین سید ئَ گوشت کہ پاکستان ئُُ بھارت ئِ نیام ئَ گر ئُُ چیل ئِ سبب ئَ ناشرکاری ئِ بیم گیش بوتگ، امریکہ کشمیر ئِ کوھنیں نہ گیشینتگیں جیڈھ ئِ گیواری ئِ ھاترا وتی کرد ئَ پیلو بکنت۔ تاں وھد ئِ کشمیر ئِ جیڈھ گیوار مہ بیت میاں اوستمانی دُگنیا ئَ بیم ئُُ ترس تالان اِنت۔ اے گپ آئی ئَ گوستگیں روچ ئَ واشنگٹن ئَ اے پی پی ئَ گوں تران کنان ئَ گوشت اَنت۔ مشاہد حسین سید ئَ گوشت کہ زرباری ایشیا ئِ پڑ ئِ ھاترایمنیں سول ئُُ تران الم برجم دارگ لوٹیت ، ایشی ئِ تہ ئَ توامیں پڑ آئی سر ئَ تران بہ بیت۔ آئی ئَ گوشت کہ کشمیر ئِ جیڈھ دو جوہری ریاست آنی نیام ئَ گر ئُُ چیل آنی بُنیاتی سبب اِنت۔ سینیٹر مشاہد حسین سید ئُُ قومی اسمبلی ئِ باسک ڈاکٹر شذرو منصب مزن وزیر ئِ ھاسیں کاسد آنی بستار ئَ کشمیر ئِ اُلس ئُُ آئی جیڈھ ئِ جُہد ئُُ کوشست آناں شنگ ئُُ تالان کنگ ئِ ھاترا امریکہ ئِ تر ئُُ تاب ئَ اَنت۔
