اسلام آباد ۔ 8 اکتوبر (اے پی پی) بُنجاھی وزیر سیفران عبدالقادر بلوچ ئَ گوشت کہ اوگان لڈ ئُُ بار کنوکیں مردم آنی دلبڈی کنگ بوھگ ئَ اِنت۔ پاکستان ئَ چہ واتر آیوکیں لڈ ئُُ باری مردم آناں اوگنستان ئَ جوانی پالیشی آنی رد ئَ وش اَتک کنگ بوھگ ئَ اِنت۔ درئی کارانی دپتر ئِ دارچین ئِ رد ئَ وزیر ئِ سیفران ئَ جینیوا ئَ اوگان لڈ ئُُ بار ی آنی بابت ئَ چار کسی رہبر کمیٹی ئِ دیوان ئَ ھیال آنی درشان کنان ئَ آئی ئَ گوشت کہ اوگان لڈ ئُُ بار کنوک آنی دلبڈی دارگ بوھگ ئَ اِنت۔ اے رد ئَ میاں اوستمانی یکوئی ئِ سک باز پکار اِنت۔ دیوان ئِ تہ ئَ اقوام ئِ متحدہ ئِ ہائی کمشنر برائے لڈ ئُُ باری مردم فیلیپو گرانڈی، اوگانستان ئِ چیف ایگزیکٹیو عبداللہ، ایران ئِ نائب وزیر ئِ تہی کار حسین زوالفگاری ئُُ اوگانستان ئِ وزیر برائے لڈ ئُُ باری مردم حسین علیمی بلخی ھم ساڑی اَت۔ وزیر ئِ سیفران ئَ اے گپ جت کہ اوگان لڈ ئُُ باری مردم اِزت ئُُ شرپ ئِ گوما وتی ڈیھ ئَ واتر بنت۔ ہائی کمشنر برائے لڈ ئُُ باری مردم گرانڈی ئَ 40چیل سال آں تاں اوگانی مردم آناں پاکستان ئُُ ایران ئَ جاھ دیگ ئِ پد ئَ اے ملک آنی شُگر گپت۔ اوگانستان ئِ چیف ایگزیکٹیو عبداللہ عبداللہ ئَ لکھ آنی مردم آنی میزبانی ئَ پاکستانی ئُُ ایران ئِ شُگر ئُُ منت گپت ئُُ گوشت کہ ایشانی واتری ئَ چہ اوگان حکومت ایشاناں زمین لوگ ، چاگردی کمک، ئُُ کزب ئُُ روزگار ئِ پُجاری ئَ المی بکنت۔
