اقوام متحدہ۔ 8 اکتوبر (اے پی پی) اقوام متحدہ ئَ پاکستان ئِ مستقبل مندوب ڈاکٹر ملیحہ لودھی ئَ گوشت کہ تاں وھدیکہ کہ سلامتی کونسل ئِ گپ ئُُ گال آنی رد ئَ کشمیر ئِ جیڈھ گیوار کنگ مہ بیت اے جیڈھ ھلاس نہ بیت، اے گپ آئی ئَ جنرل اسمبلی ئَ نوک آباتی آنی ھلاسی ئِ بابت ئَ جیڈھ آنی سر ئَ سول ئُُ تران کنان ئَ گُشتانک دات۔ ڈاکٹر ملیحہ لودھی ئَ گوشت کہ کشمیر ئِ باھند دُروگیں سوگند آنی پد ئَ نشتگ اَنت۔ ڈاکٹر ملیحہ لودھی ئَ یات ئَ گیتک کہ کشمیری آنی گوما گوستگیں 60سال آنی تہ ئَ ھرچی کہ کول ئُُ کرار کنگ بوتگ اِیشانی تہ ئَ اِچ پورا کنگ نہ بوتگ۔ آئی ئَ گوشت کہ مرچی پد ئَ کشمیر ئِ اُلس ظلم ئُُ ناچاکی ئِ ھلاپ ئَ یک گام ئَ اوشتاتگ اَنت۔ کشمیری آنی اَستیں جائز یں ئُُ ھندی چست ئُُ ایر بندات بوتگ اَنت آواناں آونی ھک ئَ چہ اِچ کس دور ئُُ گستا کُت نہ کنت۔ پاکستنی مندوب ئَ گوشت کہ گوستگیں دو ماھ ئُُ نیم بیت کہ بھارت ئِ اُرد مقبوضہ کشمیر ئَ کشمیری اُلس ئَ را لگت مال کنگ ئَ اِنت۔
