مزن وزیرمحمد نواز شریف ئِ لاہور ئَ مزن تک ئِ دیوان ئَ گشتانک

سی پیک ئِ چیر دستی ئَ بلوچستان، سندھ، خیبر پختونخوا ئُُ پنجاپ ئَ بازیں دیمروئی کار آنی سر ئَ ترندی ئَ کار جاڑی
لاہور۔ 8 اکتوبر (اے پی پی) مزن وزیر محمد نواز شریف ئَ گوشت کہ گوستگیں سئے سال آنی تہ ئَ پاکستان مسلم لیگ (ن) ئِ حکومت ئَ راجی معشیت ئَ را تچکیں را ئَ راھادگ کتگ، مرچیگیں پاکستان معاشی رنگ ئَ 2013ئِ پاکستان ئَ چہ گیش مھکم تر اِنت۔ سی پیک ئِ چیر دستی ئَ بلوچستان، سندھ، خیبر پختونخوا ئُُ پنجاپ ئَ بازیں دیمروئی کار آنی سر ئَ ترندی ئَ کار جاڑی اَنت۔ یک شمبے ئَ اِدا گورنر گس ئَ برجم داشتگیں مزن تک ئِ دیوان ئِ پاگواجئی کنان ئَ مزن وزیر ئَ گوشت کہ راجی معشیت مھکم بوھگ ئَ اِنت ئُُ مروچی پاکستان چہ 2013ئِ پاکستان ئَ گیش مھکم تر اِنت۔آئی ئَ ملکی دیمروئی ئِ ھاترا سک باز جُہد ئُُ کوشست کنگ ئِ سر ئَ زور پر دات۔ آئی ئَ دیوان ئِ بھر زوروک آناں ھال دات کہ چین پاکستان اقتصادی راہداری ئَ چہ ملک ئَ را سک باز نپ ئُُ سیت رسیت، اے پڑ ئَ کار بندات کنگ بوتگ آئی ئَ گوشت۔ آئی ئَ گوشت کہ چین ئِ نیمگ ئَ چہ 46ارب ڈالر ئِ سرمایہ کاری کنگ بوھگ ئَ اِنت ئُُ ایشی ئِ تہ ئَ 35ارب ڈالر ایوک ئَ ھاٹیگ ئِ منصوبگ آنی سر ئَ ھرچ ئُُ درچ کنگ بوھگ ئَ اِنت ایشانی سرجمی ئَ چی لوڈشیڈنگ ئِ ھلاسی نہ بیت بلکینگ ئَ توان سستائیں نیاد ئَ پُجارینگ بیت۔ دیوان ئِ تہ ئَ گورنر پنجاپ رفیق رجوانہ، سر وزیر پنجاب محمد شہباز شریف، وزیر ئِ ھزانگ سینیٹر اسحاق ڈار، بُنجاھی وزیر منصوبگ بندی احسن اقبال، بُنجاھی وزیر آپ ئُُ توان خواجہ آصف، وزیر ئِ تجارت خرم دستگیر، نامداریں سوداگر ئُُ ایندگہ کارگس آنی اپسر ھم ساڑی اَتاں۔