اسلام آباد۔ 05اکتوبر (اے پی پی) وزارت ڈٹ بندی و شونتری اینخو مالی سال انا سرکاری بشخ انا شونداری پروگرام اٹی دیر وبجلی ڈویژن نا بشخ آتے کن 3ارب 35کروڑ 94لکھ روپئی آن زیات نا فنڈز جاری کرینے۔ حکومت اینخو مالی سال انا وخت دیر و بجلی ناشونداری ڈٹ آتے کن اسہ کھرب 61ارب71کروڑ 63لکھ روپئی آن زیات نا فنڈز جتاکرینے۔ پلاننگ کمیشن نا برجاءکروک حساب وکتاب نا رداٹ حکومت اینخومالی سال اٹی قلات اٹی سمال ڈیم انا جوڑ جاڑ کن اسہ کروڑ، پشاور نوشہرہ ورسک کینال ڈٹ اکن 18کروڑ، گوادر اٹی شادی خوڑڈیم کن 16کروڑ 77لکھ، منگلاڈیم انا ودیکی کن 20کروڑ، سکھر اٹی رینی کینال ڈٹ اکن 10کروڑ ، دادوٹی پوسکنا گج ڈیم اکن 60کروڑ ، قممبر اٹی واٹر سپلائی اسکیم کن 11کروڑ، کچی کینال پروجیکٹ کن اسہ ارب، سندم اٹی چنکا ڈیم تاجوڑ جاڑ کن 10کروڑ، بلوچستان اٹی چنکا ڈیم تا جوڑ جاڑ کن 20کروڑ و گوادر اٹی بسول ڈیم کن 14کروڑ روپئی تون اوار کیہی شونداری ڈٹ آتے کن فنڈز جاری کرینے۔
