اسلام آباد۔ 05اکتوبر (اے پی پی) پاکستان”دہشت گردی نا سپانسرزنا برخلاف انصاف ایکٹ“ نا بارواٹی امریکی صدارتی ویٹو ئِ مسترد کننگ آ گڑتی نا درشانی ئِ کرینے۔ وت واجہ ریاست آتے ہدف جوڑ کننگ نا حامل داکانود ئِ امریکی کانگریس منظور کرینے۔ ترجمان دفترخارجہ نا کنڈآن چارشنبے آ جاری بیان اٹی پاننگانے کہ نن وت واجہ ریاست آتے ہدف جوڑ کننگ نا مقصد نا حامل امریکی کانگریس نا منظور کردہ کانود”دہشت گردی نا سپانسرز نا برخلاف انصاف ایکٹ“ آ امریکی صدارتی ویٹو ئِ مسترد کننگ نا گڑتی تون نوشتہ کرینے۔ بیان نا رداٹ یورپ و دے ٹکی نیامی ٹی کیہی ملک آک ہم دا ایکٹ آ داوڑنا گڑتی ظاہر کرینو ۔ پاکستان داکان مست ہم ماورائے علاقائی اطلاق تون ملکی کانود سازی نامنظوری آ ڈکھ انا درشانی ئِ کریسس۔ درحقیقت وزیراعظم اقوام متحدہ نا جنرل اسمبلی نا 71می دیوان اٹی دہشت گردی ئِ جہانی مظہر گوندسا پاریسس کہ داونا ہردروشم تون جامع وڑاٹ مون تروئی مرے و بین الاقوامی برادری ئِ دارداٹ کوشست آتیٹی تین پہ تینی کمکاری کروئی مرے۔ وزیراعظم داہیت آ ہم زورشاغاسس کہ داچرجوئی ٹی کوشست آک گڑاس ملک آتے ہدف جوڑ کرسا ماورائے علاقائی اطلاق تون ہروڑنا کانود نا منظوری آن یکطرفہ وڑاٹ آخا بلکن اجتماعی وڑاٹ کروئی مرے۔
