پاک فوج ئِ ورنا آں گارڈ آف آنر پیش کُت
مزن وزیر محمد نواز شریف ئَ کابینہ ئِ باسک آنی توسیپ کُت
اسلام آباد ۔ 5 اکتوبر (اے پی پی) بیلا روس ئِ صدر الیگزینڈر لوکا شینکو ئِ چار شمبے ئَ مزن وزیر گس ئَ پُجگ ئَ وش اَتک کُت۔ایش گوستگیں شپ ئَ وتی ٹولیگ ئِ ھمبراھ بُنجاھی دارالحکومت ئَ سر بوتگ اَت۔مزن وزیر محمد نواز شریف ئَ بیلاروس ئِ صدرئَ را وش اَتک کُت ئُُ دوئیں رھشون آ ں یک ئِ دومی ئَ را جوش ئُُ جزبگ ئِ گوما دست ملارینت۔پاک اُرد ئِ ورنا آں آرا گارڈ آف آنر پیش کُت۔ آئی ئَ پریٹ ئَ را چار اِت۔ اے موہ ئَ دوئیں ملک آنی راجی سوت جنگ بوت اَنت۔ ایشی ئَ پد مزن وزیر ئَ وتی کابینہ ئِ مردم آنا بیلاروس ئِ صدر ئَ گوںئُُ بیلا روس ئِ صدر ئَ وتی ھمبرائیں ٹولیگ ئَ گوں توسیپ کنائینت۔ یات دارگ بہ بیت کہ بیلا روس ئِ صدر الیگزینڈر لوکاشینکوئِ گوستگیں 16ماھ آنی تہ ئَ پاکستان ئِ ایش دومی تر ئُُ تاب اِنت۔
