بل تعلقدار قائمہ کمیٹی نا حوالہ
اسلام آباد۔ 04اکتوبر (اے پی پی) قومی کمیشن نیاڑی (ترمیمی) بل 2016ءئِ پیش کننگا۔ سے شنبے آ قومی اسمبلی نا دیوان اٹی ڈاکٹر نگہت شکیل خان تحریک پیش کرے کہ قومی کمیشن نیاڑی (ترمیمی) بل 2016ءئِ پیش کننگ نا موکل تننگے۔ اوپارے کہ بل انا منظوری آن نیاڑی تے انصاف نا فراوانی تون اوار اوار اوفتے بااختیار جوڑ کننگ اٹی کمک رسینگک۔ مست آن ساڑی کانود اٹی کمیشن نا بابت ٹائم فریم تننگ تو،این سی ایچ ڈی ئِ گچین وڑاٹ کاریم کروئی مرے۔ بنجائی وزیر پارلیمانی امور شیخ آفتاب احمد پارے کہ کمیشن نا نائب چیئرمین نا تقرری کن سمری اس ہنانے واہم او بل انا مخالفت ئِ کتنے۔ ڈاکٹر شیریں مزاری پارے کہ دا اسہ اہم ئُ معاملہ اسے، کمیٹی ئِ بل ئِ گدریفنگ آن معاملہ لڑونج سلک، کنا بل 2013ءآن کمیٹی تون پد سلوک ئِ ۔ اسپیکر پارے کہ کونسل آف چیئرپرسن نا دیوان اٹی فیصلہ مسنے کہ غٹ پدسلوک آ بل آتے ایجنڈہ غا اتنگک۔ تحریک نا ایوان آن منظوری آن گڈ ڈاکٹر نگہت شکیل خان نا بل ئِ تعلقدار قائمہ کمیٹی نا حوالہ کننگا۔
