ڈیرہ مراد جمالی۔ 04اکتوبر (اے پی پی) وزیراعلیٰ بلوچستان نا سلاہکار معدنیات و قدرتی وسیلہ و صوبائی اسمبلی نا باسک حاجی محمد خان لہڑی پارینے کہ صوبائی حکومت داواتیان بیدس عملی کاریم آ یخین تخک، صوبائی دارالحکومت اٹی کروڑآ روپئی نا خڑچ آن پوسکنا ازباب آتیان استوار ٹراما سینٹر نا باضابطہ افتتاح ئِ کرسا وزیراعلیٰ بلوچستان صوبہ نا الس نااست ئِ کٹانے، صوبہ ٹی ہیلتھ و ایجوکیشن اٹی ہڑدڑی بنداو تیا کاریم جاری ئِ ، داہڑتوم آ بشخ آتیٹی ہچ گہس تون رعایت کننگپک۔ داخیال آتا درشانی ئِ او محمد ابراہیم مری نا سروکی ٹی ملوک آڈل اتون ہیت وگپ کرسا کرے۔ داوخت آ یعقوب لہڑی، نثاراحمدمری، تاج محمد جتک ئسک ہم ساڑی ئسر۔ سلاہکارمعدنیات قدرتی وسیلہ حاجی محمد خان لہڑی پارے کہ وزیراعلیٰ نواب ثناءاللہ خان زہری و اونا ٹیم انا دے و نن خواری نا بدولت اینو صوبہ آن نیزگاری و پسماندگی نا خاتمہ مننگ ئِ و صوبہ شون ہلنگ ئِ صوبہ نا اقتدار ئِ سنبھالنگ آن مست الس تون کروک آ وعدہ غاتا پاسداری ئِ کننگ ئِ و صوبہ ٹی جان جوڑی و تعلیم ئِ فوکس کرسا اوڑآ دے و نن کاریم جاری ئِ، اوپارے کہ صوبائی دارالحکومت کوئٹہ ٹی کروڑ آ روپئی تا خڑچ آن جوڑ جاڑ پوسکنا ازباب آتیان لیس ٹراما سینٹر نا وزیراعلیٰ بلوچستان نواب ثناءاللہ زہری باضابطہ افتتاح ئِ کرسا الس نا پبی نمائندگی ئِ کرینے و دا پوسکنا ازباب آتیان لیس ٹراما سینٹر آن الس ئِ ہروڑنا ایمرجنسی نا دروشم اٹی مشکلات آتون مون تروئی تمپک۔ اوپارے کہ ٹراما سینٹر الس نادیرینہ خواست ئس ہرا دے مسلم لیگ (ن) نا حکومت پورو کرسا نشان تسنے و صوبہ نا ایلو علاقہ و ضلع غاتا الس ئِ جان جوڑی و تعلیم نا پوسکنا آسراتی تننگ کن ہڑدڑی بنداو تیا کاریم جاری ئِ علاقہ غاتیٹی پوسکنا وڑوڈول نا ہسپتال و ٹراما سینٹر جوڑ کننگک۔
