اسلام آباد۔ 04اکتوبر (اے پی پی) امریکی ادارہ بین الاقوامی شون و وزارت خزانہ ودیکی شراکتی معاہدہ(پاکستان انہانسڈ پارٹنر شپ ایگریمنٹ) اٹی تازہ انگا ترمیم آ دستخط کریر۔ اسلام آباد اٹی امریکی سفارت خانہ نا کنڈآن جاری پریس ریلیز نا رداٹ ترمیم آ دستخط 16ستمبر آ کننگا۔ دادستاویز نا رداٹ امریکی حکومت پاکستان ئِ شونداری کمکاری فراوان کیک۔ دامعاہدہ شون اکن اہم انفراسٹرکچر ئِ گچین جوڑ کننگ، معاشی وارخواہی مہیا کننگ و شونہالی ئِ مون آ دننگ کن معاشی و سیاسی اصلاحات آتا نفاذ نا گام گیج آتے کن پاکستانی حکومت ئِ ودکی 40کروڑ 70لکھ ڈالر فراوان کیک۔ معاہدہ نا رداٹ یو ایس ایڈ نا پروگرام پاکستانی حکومت نا صلابت آن تیار کننگانے وپاکستان نا 2025ءناوژن اٹی کمکاری کیک ہراٹی اسہ شونہال پاکستان کن لائحہ عمل پیش کننگانے۔ مسکوہی اسہ عشرہ نا وخت اٹی امریکہ شونداری کاریم و انسانی ہمدردی نا بنداو آ امداد کن یو ایس ایڈ نا کمک اٹ پاکستان ئِ تقریباََ 7ارب 70کروڑ ڈالر نا امداد فراوان کرینے ہرانا سوب پاکستان نا شمار امریکہ آن غٹ آن زیات درملکی امداد دوئی کروک آ ملک آتیٹی مریک۔
