قوم ننے آن راج ئِ برائی تیان ہمیش کن نجات ترفنگ نااومیت تخک و نن ہر حالیت اٹی اوفتا اومیت آتیا پورو سلنہ، وزیراعظم محمد نوازشریف نا تران
قومی سلامتی سلاہکار و نیشنل ایکشن پلان نا عملدرآمدی کمیٹی ناکنوینرلیفٹیننٹ جنرل (ر) ناصر خان جنجوعہ پلان آ عملدرآمد نا حالیت و مون تروک چیلنج آتیان معلومدار کرے
اسلام آباد۔ 04اکتوبر (اے پی پی) وزیراعظم محمد نواز شریف پارینے کہ قوم انا غیر متزلزل عزم و سیکورٹی فورسز و کانودنافذ کروک آ ادارہ غاتا بے شمار و پدریسہ قربانی تا نتیجہ ٹی لمہ وطن نا طول و عرض اٹی سیکورٹی نا حالیت آتیٹی نمان و صفا گچینی بسنے۔ اوداہیت ئِ سے شنبے آ داڑے وزیراعظم ہاﺅس اٹی نیشنل ایکشن پلان نا بارواٹی دیوان نا کماشیئِ کرساپارے۔ دیوان اٹی اتفاق رائے خننگاکہ انتہاءپسندی و دہشت گردی آن ملک ئِ نجات ترفنگ کن داوخت اسکان دوئی کروک آ فائدہ غاتے سوگوی تننگ کن قومی کہول آ اجتماعی کوشست و صوبائی کہول آ خصوصی کوشست آک درکارئُ وخت اس کہ گڑاس ایریہ ہراڑے پیش رفت است جم سلتنے ، ٹی مون آ ہِننگ آہم اتفاق مس۔ قومی سلامتی سلاہکار و نیشنل ایکشن پلان نا عملدرآمدی کمیٹی نا کنوینر لیفٹیننٹ جنرل (ر) ناصر خان جنجوعہ دیوان ئِ نیشنل ایکشن پلان آ عملدرآمد نا حالیت و دامرحلہ غا مون تروک چیلنج آتیان معلومدار کرے۔ نیشنل ایکشن پلان نا ہر پلو آجتا جتا تفصیلی غوروخوض کننگا۔ وزیراعظم ہاﺅس نا کنڈآن جاری بیان نارداٹ قومی سلامتی سلاہکار داہیت آ زورشاغاکہ نیشنل ایکشن پلان آ عملدرآمد کن صوبائی حکومت آتاکڑد اہم ئِ و نن غٹ اکن مشنری جوزہ تون اواری اٹ کاریم کننگ المی ئِ ۔ دیوان اٹی نیشنل ایکشن پلان نا جتا اجزاءکن ہدف و نظام الاوقات نا بابت بروک آ لائحہ عمل آ اتفاق خننگا۔ دیوان اٹی سیکورٹی فورسز، کانود نافذ کروک آ ادارہ و سول آرمڈ فورسز(سی اے ایف) نا قربانی تا اعتراف و اوفتا ستائِ کننگا۔ شریک مروک آک بنجائی و صوبائی انٹیلی جنس ادارہ غاتا کاریم نا ہم ستائِ کریر ہراڑآن سیکورٹی فورسز و کانود نافذ کروک آ ادارہ غاتے دہشت گرد آتا کیہی کوشست آتے بے سہب جوڑ کننگ اٹی کمک ملا و اوفتے کانود نا دنگ اٹی کاریم کن سازگار چاگڑد فراوان کننگ نا عزم انا درشانی کننگا۔ وزیراعظم نا سیکرٹری فوجداری نظام انصاف اٹی اصلاحات نا گڑاس پلو آتیا پریزنٹیشن پیش کرے۔ بروک آ لائحہ عمل نا بارواٹی اتفاق رائے وضع کننگ کن دہشت گردی آن بابت مقدمہ غاتون مون تننگ کن تفتیش ، استغاثہ و عدالتی وڑوڈول نا بابت کانود اٹی اصلاحات نا تجاویز ہم شریک مروک آتے پیش کننگا۔ شریک مروک آک اتفاق کریر کہ مطلوبہ نتیجہ غاتا دوئی کن بنجائی و صوبائی حکومت و کانود نافذ کروک آ ادارہ غاتا نیام اٹ کامل رابطہ نا گرج ئِ۔ دشمن نا عزم ئِ بے سہب جوڑ کننگ کن انٹیلی جنس آراءنا دوئی، تجزیہ، جانچ پڑتال و کاریم اٹ اتنگ ئِ پین گچین جوڑ کننگ آہم اتفاق کننگا۔ داوخت آ وزیراعظم محمد نواز شریف پارے کہ نیشنل ایکشن پلان غٹ کڑدہ غاتا نیام اٹ وسیع البنیاد رائے نا نتیجہ ئِ۔ اوپارے کہ قومی پالیسی گرج انا رداٹ نن دہشت گردی نا برخلاف جنگ کننگ اُن و پرتشدد انتہاءپسندی نا برخلاف مون تروک اُن۔ اوپارے کہ قوم ننے آن راج ئِ دا برائی تیان ہمیشہ کن نجات ترفنگ نا اومیت تخک و نن ہر حالیت اٹی اوفتا اومیت آتیا پوروسلنہ ۔ دیوان اٹی گورنر خیبر پختونخوا اقبال ظفر جھگڑا، وزیراعلیٰ پنجاب محمد شہباز شریف، وزیراعلیٰ سندھ سید مراد علی شاہ ، وزیراعلیٰ خیبر پختونخوا پرویز خٹک، وزیراعلیٰ بلوچستان میر ثناءاللہ خان زہری، وزیراعلیٰ گلگت بلتستان حافظ حفیظ الرحمان، وزیر خزانہ محمد اسحاق ڈار، وزیر داخلہ چوہدری نثارعلی خان ، وزیر اطلاعات سینیٹر پرویز رشید، چیف آف آرمی اسٹاف جنرل راحیل شریف، وزیراعظم نا خصوصی کمکار طارق فاطمی ، قومی سلامتی سلاہکار لیفٹیننٹ جنرل (ر) ناصر خان جنجوعہ ، ڈی جی آئی ایس آئی لیفٹیننٹ جنرل رضوان اختر، خارجہ سیکرٹری اعزاز احمد چوہدری ، ڈی جی آئی بی آفتاب سلطان، وزیراعظم نا سیکرٹری فواد حسن فواد، ڈی جی ایم او میجر جنرل ساحر شمشاد مرزا، ڈی جی ایم آئی میجر جنرل ندیم ذکی منچ شرکت کریر۔
