اسلام آباد۔ 03اکتوبر (اے پی پی) وزیراعظم نا خصوصی کمکار قومی تاریخ و ادبی میراث عرفان صدیقی پارینے کہ قومی معاملہ غاتیا ملک انا غٹ سیاسی جماعت آتا موقف ہمیش اسٹ ہی مسنے، اینو نا دا دیوان آن مست ہم داوڑ ہرگز ہلوکہ کہ کشمیر ناویل اتون اوار غٹ قومی معاملہ غاتیا سیاسی جماعت آتا جتا جتا موقف اس مرے و داہیت اف کہ نن اینو متفقہ موقف آ متفق مسونن بلکن ننا موقف مہالو ہم اسہ وڑ ئسکہ و اینو ہم اسہ وڑہی ئِ۔ داخیال آتا درشانی ئِ او دوشنبے آ پاکستان ٹیلی ویژن نا اسہ پروگرام اسے ٹی درشان خیال کرسا کرے۔ اوپارے کہ حزب اختلاف و حکومت ہڑتوم آتا نیام اٹ ویل آک مریرہ، اختلافات آک ہم مریرہ ، قومی ویل آتیا تینا تینا موقف اس مریک ولے داوڑناایونٹس آتا مقصد مریک کہ یکجہتی نا درشانی ئِ کننگے و تینا دشمن آتون اوار مچ آدنیا ئِ ہندن ئُ کلہو اس تننگے کہ نن غٹ اسٹ اُن و قومی سلامتی ، ملکی دفاع و کشمیر نا ویل و تینا ملک انا سیم تارکھ انا زی آ ننا نیام اٹ ہچ وڑنا اختلاف اس اف۔ ہنداخاطران ہچ گہس سمجھپ کہ نن حکومت نا برخلاف جلسہ کینہ، جلوس کشنہ، مظاہرہ کینہ یا دھرنہ ایتنہ تو ننا دامعاملہ غا کسس اختلاف مریک ولے داوڑہرگز اف ، ننا دامعاملہ غا ہچ ئُ اختلاف اس اف و نن غٹ یکجااُن، بھارت مقبوضہ کشمیر اٹی ریاستی دہشت گردی کننگ ئِ ، انسانی حق ئِ پامال کننگ ئِ کودک کشمیری تا پرامن جہد آجوئی ئِ واک انا زی آ توننگ خواہک ہراٹی نہ تو او مسکوہی ٹی سرسہب مسنے و نہ ہی پین وخت اس سرسہب مریک۔
