اسلام آباد۔ 30ستمبر (اے پی پی) سینیٹ ئِ پاننگانے کہ پن بجلی نا کیہی ڈٹ آتیا ترندی اٹ کاریم جاری ئِ۔ دریاب جہلم آ 84میگاواٹ نا ہائیڈرو پاور پروجیکٹ پورو کننگک۔ دیر آن ودی مروک آ بجلی ایلو ذریعہ غاتیان ودی مروک آ بجلی نا مقابلہ ٹی ہڑزان ئِ۔ جمعہ آ ایوان بالا ٹی وقفہ سوج آتا وخت سینیٹر سراج الحق نا نوشتہی ورندی ٹی وزارت دیر و بجلی نا کنڈآن ایوان ئِ پاننگاکہ جمی وڑاٹ دستیاب بجلی ڈسٹری بیوشن کمپنی تے اوفتا طلب نا رداٹ تننگک۔ دیر آن ودی مروک آ بجلی ایلو ذریعہ غاتیان ودی مروک آ بجلی نا مقابلہ ٹی ہڑزان ئِ۔ اگہ اوسط نرخ اٹی ہڑزان ذریعہ غاک اوار مریر تو اوسط نرخ ہم کم وصول ہلنگک۔ ہنداوڑ کم نرخ انا فائدہ خاص علاقہ اسے نا صارف آتیان بیدس غٹ صارف آتے اسہ وڑسرکننگک۔
