اسلام آباد۔ 30ستمبر (اے پی پی) اقوام متحدہ ٹی پاکستانی مندوب ڈاکٹر ملیحہ لودھی پارینے کہ ہچ ئُ سرجیکل اسٹرائیک اس متنے۔ بھارت نا کنڈآن سیم انا ایپار آن شیلنگ کننگانے۔ عرب ٹی وی ئِ انٹرویو ٹی اوپارے کہ بھارت مقبوضہ کشمیر اٹی جنگی ڈوہ آن دنیا نا توجوہ ئِ اسہ پلو کننگ خواہک۔ پاکستان تدوک آ دے دراندازی کروک آ اسہ بھارتی فوجی اسے ہم ہلکونے۔ اوپارے کہ ہڑتوم آ پڑوسی ایٹمی ملک آتے زمہ واری نا درشانی ئِ کرسا غٹ ویل آتے مذاکرات نا کمک اٹ ایسر کروئی مرے۔ بھارتی بیدادی آن ڈیہہ ٹی گڑتی اس ودی مسنے۔ ڈاکٹر ملیحہ لودھی اقوام متحدہ نا سلامتی کونسل نا صدر تون اوڑدہی کرسا اونا توجوہ ئِ بھارتی بیدادی نا کنڈاترفے۔ اقوام متحدہ نا مندوب پارے کہ جہانی برادری ئِ مرے کہ او بھارت ئِ بیدادی آن مرکے۔ اومستی پارے کہ اگہ بھارت بیدادی نا چرجوئی ئِ برجا تخا تو پاکستان غٹ لائخی تتون ورندی تننگ کن تیار ئِ۔
