اسلام آباد۔ 29ستمبر (اے پی پی) وزارت مواصلات نا کنڈآن قومی اسمبلی ئِ پاننگانے کہ موٹروے آ تہہ شاغنگ نا کاریم اِراسال اٹی پورو مریک۔ تدینگوک آ مسہ سال اٹی موٹروے و نیشنل ہائی وے پولیس اٹی 966کارندہ بھرتی کننگا۔ تدینگوک آ مسہ سال انا وخت ہائی وے و موٹروے آن اسہ ارب 8 کروڑ 53لکھ روپئی آن زیات نا جرمانہ کننگا۔ پنچ شنبے آ قومی اسمبلی ٹی وقفہ سوج آتا وخت آ بنجائی وزیر پارلیمانی امور شیخ آفتاب احمد طاہرہ اورنگزیب نا سوج انا ورندی ٹی پارے کہ موٹروے آ تہہ شاغنگ نا کاریم اِرا سال اٹی پورو مریک۔ ایم نائن کراچی۔حیدرآباد موٹروے آ 20ستمبر آ قائمہ کمیٹی نا دیوان ئِ کراچی ٹی طلب کریسن۔ اوٹی ایف ڈبلیو او و این ایچ اے نا زمہ وار آک شرکت کریر۔ داموٹروے آ متبادل روڈ آک الس و مسافر آتے کن مشکلات آتا سوب ئُ ۔ نن دابابت آن گام گیج چست کرینن۔
