اسلام آباد۔ 29ستمبر (اے پی پی) بنجائی وزیر انسانی حق کامران مائیکل پارینے کہ ضلعی کہول آ نیاڑی و انسانی حق انا آگاہی کن کمیٹی اڈتننگ انگ ئِ۔ اونا سروکی ئِ پارلیمنٹ نا باسک آک کیرہ۔ پنچ شنبے آ قومی اسمبلی ٹی وقفہ سوج آتا وخت ڈاکٹر شازیہ ثوبیہ نا سوج انا ورندی ٹی وزیر انسانی حق کامران مائیکل پارے کہ انسانی حق انا آگاہی کن ہر چار آ صوبہ غاتیٹی آگاہی مہم چلینگ انگ ئِ۔ اقوام متحدہ نا انسانی حق کمیشن نا رکنیت کن کوشست آک جاری ئُ۔ انسانی حق انا بابت اوفتا گرج آتے پورو کیک۔ کامران مائیکل پارے کہ بروک آ توانا اولیکو ہفتہ انسانی حق انا بابت کمیٹی اس جوڑکننگ اُن۔ اونا سروکی ئِ پارلیمنٹ نا باسک آک کیرہ۔ دا نیاڑی و انسانی حق انا بابت آگاہی ایتک۔ اوپارے کہ حکومت ملک اٹی انسانی حق انا آگاہی کن مہم چلیفینے ہراٹی ریاستی ٹی وی چینلز آتیا مسہ دے اکن وخت اس کہ پرنٹ میڈیا آ شش دے اکن مہم چلیفنگا۔ مچ آ ملک اٹی انسانی حق انا خلاف ورزی تیا کانودی صلابت کن بلامعاوضہ ہیلپ لین 1099 نا بناءکننگانے۔ کیہی یونیورسٹی تیٹی 2015ءو 2016ءنا وخت 29سیمینار اڈ ترفنگا۔
